Kryeministri Edi Rama ka hedhur dritë mbi temat e diskutimit që ka mbajtur me zëvendës ndihmës Sekretaren Amerikane të Shtetit për Evropën dhe EuroAzinë, Karen Donfried, e cila ndodhet në një vizitë zyrtare në Tiranë.
Ja se çfarë shkruan Rama
Kryeministria – Me Ndihmës/Sekretaren Amerikane të Shtetit për Europën dhe Euroazinë, Karen Donfried.
Diskutuam gjerësisht për ecurinë pozitive të reformave, forcimin e drejtësisë, investimet strategjike në energji, veton e Bullgarisë ndaj Maqedonisë së Veriut, situatën në rajon, si edhe për mbështetjen e plotë që Shtetet e Bashkuara i japin Ballkanit të Hapur.
Konsideratat e Ndihmës/Sekretares për rolin e Shqipërisë në Këshillin e Sigurimit dhe në rajonin tonë ishin mbresëlënëse.
Zyrtarja e lartë e Departamentit Amerikan të Shtetit ka zhvilluar një takim me kreun e grupit parlamentar të Partisë Demokratike dhe me deputetët Jorida Tabaku e Gazment Bardhi. Në përfundim të takimit, kryetari i grupit parlamentar të Partisë Demokratike, Enkelejd Alibeaj, tha për gazetarët se ka marrë mbështetjen e SHBA për një opozitë të fortë.
