Këngëtarja e njohur, Beatrix Ramosaj, ka reguar me një video prekëse në Instagram, duke iu drejtuar të gjithë personave që e bullizojnë, e kritikojnë pafund atë, e madje duke prekur edhe familjen e saj.
Prej periudhës së “Big Brother VIP” ajo ka qenë e shënjestruar pafund, e për këtë arsye ka zgjedhur që ti japë fund heshtjes. Gjatë qëndrimit në shtëpinë e “Big Brother” kishte nga ata që e mbështetën për raportin që krijoi me Donald Veshaj, sikundër kishte dhe nga ata që e kanë sharë pa fund.
Beatrix Ramosaj ka publikuar një video ku shprehet se tre muajt e fundit është abuzuar shumë me emrin e saj, dhe nuk ka dashur asnjëherë që ajo dhe personat që e mbështesin të bullizohen. Këngëtarja këtë video e ka bërë edhe si një mesazh për vajzat e gratë, ku shprehet se nuk duhet ta pranojnë dhunën “përshirë edhe atë online”.
View this post on Instagram
“Kjo video është për të gjithë personat aty jashtë ku bashkë me mua kanë vuajtur nga bullizmi. Unë zgjodha të hesht duke menduar që e gjithë kjo ishte pasojë e pjesëmarrjes në një program ku jeta private bëhet publike, por ASGJË nuk është nje justifikim për Cyber Bullying. Unë nuk e meritoj, ti nuk e meriton, prandaj mos u nënshtro! Le të jetë ky një mesazh force që ti nuk je vetëm, por jemi bashkë. Duke i dhënë dorën e duke përkrahur njëri-tjetrin ta bëjmë këtë një botë më të mire”, shkruan këngëtarja bashkëngjitur videos së shpërndarë në Instagram.
Nga ana tjetër, nuk ka munguar edhe suporti i vëllait të këngëtares, Alban Ramosaj.
“Paragjykimet-gjykimet, ofendimet, bullizmi eshte thjesht nje projeksion i pasigurive, limiteve, injorances dhe nevojave te tyre. (E faktuar me qindra here) Jam i lumtur qe dita dites kur zgjohesh vendos te jesh vetja jote autentike 100% dhe kjo eshte arma jote me e forte. Heret a vone, e drejta fiton.. perhere. Vazhdo te shkelqesh sic ti di e ler te tjeret te digjen nga rrezet e tua- se kashta kashte do qendroj veshtire te kthehet ne bare te njome. Te dua fort, une dhe mijra te tjere”, shkruan ai.
