Rudina Hajdari ka shpërndarë një foto me mjaft vlerë për të, ku tregon një demokrat i cili ka votuar në zgjedhje me autorizimin e firmosur vite më parë nga Azem Hajdari.
Fotoja e shpërndarë në Facebook është një moment nga procesi i zgjedhjes së kryetarëve të degëve të Partisë Demokratike në Korçë. Rudina nuk kursehet e madje shpreh hapur emocionin, duke nënvizuar ndër të tjera se Partia Demokratike duhet e do ti rikthehet idealeve, pasionit dhe energjisë së ditëve të saj të para.
“Më ngjalli shumë emocion fakti që Z. Hysko votoi në procesin e riorganizimit të PD në Korçë me autorizimin e firmosur nga Azem Hajdari. PD duhet e do ti rikthehet idealeve, pasionit dhe energjisë së ditëve të saj të para. Faleminderit për kujtimin Ëngjëllush Hysko”, shkruan Rudina Hajdari.
