Kryetari i të përndjekurve politikë të Mirditës, Kol Nikolli është arrestuar në pikën kufitare të Hanit të Hotit. Burimet bëjnë me dije se ai është vënë në pranga, teksa po tentonte të kalonte kufirin për të shkuar drejt Italisë.
Nikolli ishte në kërkim, pasi ndaj tij ishte lëshuar një urdhër arresti në lidhje me protestën e zhvilluar në muajin mars për rritjen e çmimeve, ku u bllokua edhe Rruga e Kombit në hyrje të Rrëshenit. Në momentin e arrestimit, raportohet se Nikolli ka pretenduar se nuk ka qënë fare në protestë.
Rritja e çmimit të hidrokarbureve, solli reagimin e qytetarëve të cilët zhvilluan protesta në qytete të ndryshme.
