Deputeti i Partisë Demokratike, Edi Paloka, ka reaguar ashpër pas takimit të mbajtur të ambasadores amerikane Yuri Kim me Enkelejd Alibeajn. Paloka e konsideron takimin si turp dhe shkelje të çdo ligji të Republikës së Shqipërisë.
Sipas Palokës, ambasadorja Kim nuk ka respektuar vendimin e Gjykatës Shqiptare, duke quajtur si kryetar të PD-së, Alibeajn. Ky qëndrim vjen pasi ambasadorja amerikane bëri të qartë se si ushtrues të detyrës së kryetarit të Partisë Demokratike njeh Enkelejd Alibeajn. Marrë shkas nga ky qëndrim publik, Edi Paloka e cilëson reagimin nga kryediplomatja amerikane si të turpshëm.
Ja se çfarë shkruan Paloka
Ky eshte me teper se turp, eshte shkelje e jo vetem cdo etike por dhe ligjeve te Republikes se Shqiperise!
Kjo zonja qe uroi Ramen per “fitoren historike” pa mbaruar akoma procesi zgjedhor me 25 prill ; qe ka dale hapur ne mbeshtetje te qeverise me te korruptuar ne rajon (sic e cileson vete Departamenti Amerikan i Shtetit) dhe qe prej kohesh eshte angazhuar ne vete te pare ne percarjen e opozites shqiptare, sot ka ndermarre nje akt te fundit, gjithnje ne sherbim te te njejtit qellim.
Zonja ambasadore, me arrogance, tregon se jo vetem nuk respekton Konventen e Vjenes po nuk njeh as vendimet e gjykatave shqiptare megjithese flet gjithe kohen per drejtesine.
Ti zonje mund te takosh ke te duash dhe si te duash, po nuk mund te vendosesh mbi gjykatat shqiptare e sidomos mbi vullnetin e lire te demokrateve shqiptare!
