Presidenti i Republikës ka dalë ditën e sotme në një konferencë për shtyp, ku ka komentuar të gjithë zhvillimet e fundit të ndodhur në Gjykatën Kushtetuese për shkarkimin e tij. Meta tha se do të kallëzoj të gjithë funksionarët e Kuvendit, duke pretenduar se këta të fundit janë duket bërë shkelje, teksa ka theksuar se në 24 korrik do të bëjë festë. Nga ana tjetër Meta nuk ka lënë pa përmendur edhe një shprehje të Berishës, të cilën ky i fundit e ka thënë nga foltorja e Kuvendit në 2016.
“Ju thoni nëse 24 korriku është sot. Unë do të doja të ishte që dje. Nuk do të ketë asnjë bravë shtesë në institucionin e presidentit. Nuk do të blindohet asgjë. Më 24 korrik ju kam premtuar që do të bëj një festë, e më pas aty është populli i 2 marsit, është shtuar shumë kohët e fundit.
Me këto falsifikimet e fundit është i irrituar, por ne duhet të vetëpërmbahemi. Nuk varet vetëm nga presidenti. Kur palët sillen normalisht, presidenti sillet si danez. Kur kërcënohet rendi kushtetues në Republikën e Shqipërisë, ku nxitet një konflikt si ato që kemi parë, sigurisht që presidenti do të jetë njësh me kushtetutën, interesin publik, qytetarët dhe ta harrojnë njëherë e përgjithmonë ata që kanë menduar se në mënyrë mafioze, të gjithë ata rilindas vendas e ndërkombëtarë.
Se do të varrosin de facto pluralizmin e Shqipërisë, do të ndëshkohen pafund, e do të marrin përgjigjen e merituar. Jam Ilir Meta i them atyre, o super budallenj”, tha Meta.
