Kreu i OBSH-së, Dr Tedros Adhanom Ghebreyesus ka thënë se është më mirë “të anulosh tani dhe të festosh më vonë, sesa të festosh tani dhe të pikëllohesh më vonë”, në kontekstin e rritjes së rasteve të Omicron gjatë periudhës festive.
Ai u shpreh se “mënyra më e shpejtë” për t’u rikthyer në normalitet ishte “marrja e vendimeve të vështira që duhen marrë për të mbrojtur veten dhe të tjerët”, që në disa raste mund të nënkuptojë shtyrje ose anulim të planeve.
Tedros tha të hënën se kishte “prova të qëndrueshme” se Omicron po përhapej më shpejt se Delta” dhe se “ka më shumë gjasa që njerëzit e vaksinuar ose të shëruar nga Covid-19” të infektohen.
Soumya Swaminathan, shkencëtari kryesor për OBSH-në, shtoi se nuk ishte e mençur të konkludohej nga provat e hershme se Omicron ishte më i butë se llojet e kaluara, dhe tha se “të gjitha sistemet shëndetësore do të jenë nën tendosje” ndërsa numrat rriten.
Burimi i lajmit: BBC. Përshtatur nga Tirana Today
