Vajza afgane e bërë e famshme pasi u shfaq në kopertinën e revistës “National Geographic” në vitin 1985, i është dhënë statusi i refugjatit nga kryeministri italian Mario Draghi, sipas një deklarate të zyrës së shtypit të qeverisë italiane.
Portreti mbresëlënës i Sharbat Gula-s në atë kohë 12-vjeç, një jetime në një kamp refugjatësh në kufirin afgano-pakistanez, u bë në vitin 1984 dhe u botua vitin e ardhshëm. Gula u gjurmua dekada më vonë duke jetuar në Pakistan, pasi askush nuk e dinte emrin e saj për vite me rradhë.
Tashmë Gula ka mbërritur në Romë, sipas zyrës së kryeministrit italian.
Sharbat Gula fotografuar në Kabul, Afganistan, në nëntor 2016
Historia e fotografisë më të famshme në botë
“Në vitin 1985, falë fotografisë së Steve McCurry-t, i cili vitin e kaluar e kishte portretizuar atë shumë të re në një kamp refugjatësh në Peshawar për kopertinën e revistës “National Geographic”, Sharbat Gula fitoi famë globale. Deri në atë pikë sa të simbolizonte peripecitë dhe konfliktet të fazës së historisë nëpër të cilën po kalonte Afganistani dhe populli i tij”, thuhet në një deklaratë të lëshuar nga zyra e Draghit.
“Duke iu përgjigjur kërkesave të shoqërisë civile dhe në veçanti në mesin e organizatave jofitimprurëse aktive në Afganistan, të cilat pas ngjarjeve të gushtit të kaluar morën apelin e Sharbat Gulës për t’u ndihmuar në largimin nga vendi i tyre, kryeministri e mori përsipër dhe organizoi transferimin e saj në Itali në kuadër të programit më të gjerë të evakuimit të shtetasve afganë dhe planit të qeverisë për pritjen dhe integrimin e tyre”, vijon deklarata.
Burimi i lajmit: CNN. Përshtatur nga Tirana Today
