Avokat Spartak Ngjela, me anë të një postimi në rrjetet sociale thotë se Beogradi po kërkon në Shqipëri një konflikt veri-jug, njëlloj siç e kërkoi edhe përgjatë vitit të mbrapshtë 1999.
Sipas tij, për t’ia arritur kësaj po përdoret “Foltorja” e Berishës. Duke bërë një analizë të situatës, Ngjela i mëshon fort faktit se Berisha është tej mase i rrezikuar nëse pranon ofertën serbe, pasi rrezikon të ekstradohet dhe gjykohet në SHBA.
Kujtojmë se pavarësisht vendimit të Bashës për mbledhjen e Kuvendit më 18 dhjetor, Berisha ka theksuar edhe njëherë svendimin e tij për mbledhjen më 11 dhjetor. Duke e quajtur Bashën peng të Ramës, Berisha është shprehur se 11 dhjetori do të jetë vetëm fillimi. Lëvizjen e tij, Berisha e konsideron “revolucion paqësor”.
Statusi
Kemi të dhëna të sigurta se Beogradi po kërkon në Shqipëri një konflikt Veri-Jug, njëlloj siç e kërkoi edhe përgjatë vitit të mbrapshtë 1999. Tani po e kërkon pikërisht gjatë foltoreve të Sali Berishës.
A do ta pranojë sërish Berisha këtë kërkesë të Beogradit, siç bëri edhe në vitin 1999?
Le ta provojë po të dojë, por të mos e harrojë faktin se ndërkohë është nongrata në Shtetet e Bashkuara dhe, ligji i ri për ekstradimin midis Shqipërisë dhe Shteteve të Bashkuara të Amerikës, i miratuar në korrik të këtij viti, është në gatishmëri për çdo orvatje të tillë.
Le të presim e të shikojmë…
