Një 43-vjeçar i shpallur në kërkim ndërkombëtar nga drejtësia italiane është kapur në Tiranë, teksa shijonte jetën i lirë.
Shërbimet e Komisariatit të Policisë Nr.5., kanë bërë të mundur arrestimin me qëllim ekstradimin drejtë Italisë të shtetasit me inicialet F. Rr, 43 vjeç, banues në Tiranë.
Arrestimi i këtij shtetasi u bë pasi Gjykata e Genovas, Itali, ka lëshuar urdhërin e arrestit ndërkombëtar, për veprën penale “Trafik i drogës”, parashikuar nga Kodi Penal Italian.
Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejt Italisë.
