Vrasja e deputetit konservator Sir David Amess, po trajtohet si një sulm terrorist nga policia. Sir David u godit me thikë disa herë, gjatë takimit me zgjedhësit në Leigh-on-Sea në Essex, të premten. Policia Metropolitane tha se vrasja kishte një lidhje të mundshme me ekstremizmin islamik. Një 25-vjeçar britanik u arrestua në vendin e ngjarjes, nën dyshimin për vrasje.
Si pjesë e hetimit, oficerët po kryejnë kërkime në dy adresa në zonën e Londrës. Forcat e policisë besojnë se vrasësi ka vepruar vetëm, por hetimet për rrethanat e incidentit po vazhdojnë.
25-vjeçari është në paraburgim në Essex, shtoi policia. Burimet qeveritare i kanë thënë BBC-së se ai është një shtetas britanik. Sir David, 69 vjeç, i cili përfaqësonte Southend West, po mbante një takim elektoral, ku votuesit mund të takojnë deputetin e tyre dhe të diskutojnë shqetësimet. Shefi i policisë së Essex, polici BJ Harrington tha se Sir David “thjesht po i ndante detyrat e tij”.
Oficerët kundër terrorizmit po punojnë me Policinë Essex dhe Njësinë e Operacioneve të Specializuara të Rajonit Lindor. Oficerët po bëjnë apel për këdo që ka ndonjë informacion ose me pamje nga kamerat e sigurisë, të kontaktojë me ta.
Sir David ishte deputet që nga viti 1983, dhe ishte i martuar me pesë fëmijë. Ai është deputeti i dytë në detyrë që është vrarë në pesë vitet e fundit, pas vrasjes së deputetes Jo Cox në 2016.
Kryeministri Boris Johnson e përshkroi atë si “një nga njerëzit më të mirë, më të butë në politikë”.
Burimi i lajmit: BBC. Përshtatur nga Tirana Today
