Basha u pyet sot nga gazetarët në lidhje me planin e tij për ngritjen e çmimeve. Ai deklaroi se akuzat e Edi Ramës ndaj planit me 7 pika si plan i Sudes, nuk qëndrojnë. Pak më herët, 7 pikat e propozuara nga Basha për zgjidhjen e krizës energjetike, Rama i ka cilësuar si propozime në kohën Sudes dhe firmave priramidale, ku kërkojnë që të zerojnë arkën e shtetit.
Rama u ndal edhe tek rritja e çmimit të naftës, ku nënvizoi se nuk e përcakton qeveria, por përcakton në tregun ndërkombëtar. Kreu i PD-së tha me humor se Sudja ka prerë flokët dhe ka lënë mjekër, dhe është bërë Edi Rama.
“Sudja është ajo që merrte lekët, kështu? Dhe i mbante për vete ose paguante disa që bënin të mundur ekzistencën e saj, apo s’e mbani mend se jeni shumë të rinj?! Sudja u merrte lekët njerëzve dhe i mbante për vete. Sudja ka prerë flokët dhe ka lënë mjekër e është bërë Edi Rama.
Janë i njëjti fenomen, vetëm se ka një ndryshim. Sudja ishte analfabet e hajdute ordinere që u bë e famshme për skemën me të cilën vidhte paratë, kurse ky është kryeministri i Shqipërisë. Ky çfarë nuk ka bërë që të rrijë në atë karrige, që të jetë dhe të sillet në këtë mënyrë. Ky tjetri ka tetë vite që kapet me thonj. Ky ka bërë aleancë me krimin, dashni me personat e listës së zezë, dashni politike e kam fjalën. Tani edhe njëherë, Osman dhe kolegët tuaj, kush është Sudja sot? Edi Rama.
7 propozimet e Bashës:
1- Heqja e taksës Rama prej 240 lekë për litër karburanti;
2- Ulja e TVSH-së nga 20% në 6% për ushqimet, ashtu siç kemi kërkuar prej javës së parë në Kuvendin e Shqipërisë;
3- Faturimi me çmime dhe sasinë reale të konsumit të oligarkëve të cilët favorizohen në kurriz të konsumatorëve;
4- Subvencionim i çmimit të energjisë për qytetarët;
5- Mirëmenanxhim dhe ndalje e shpenzimeve të shfrenuara, luksoze të OSHEE dhe KESH, që janë kthyer në zhvatës të parave të shqiptarëve.
6- Ristrukturim të buxhetit për tu përballur me një krizë që nuk mund të ndalet me propagandë dhe fjalime.
7 – Më shumë para për shtresat në nevojë dhe ristrukturim të ekonomisë aktuale, e cila për shkak të politikave të kësaj qeverie është e varur nga paraja e pisët dhe monopolet e oligarkëve.
