Policia ka mundur të zbardhë ngjarjen e sotme në Lushnje, ku mbeti i plagosur një person. Burime nga policia bënë me dije se si rezultat i reagimit në kohë të policisë dhe veprimeve të shpejta hetimore, u bë e mundur identifikimi dhe kapja e autorit të plagosjes së shtetasit Faik Veliu.
Autori i plagosjes është shtetasi Sami Veliu, vëllai i 65-vjeçarit. Ngjarja ka ndodhur rreth orës 05:00, në fshatin Ngurrëz e Vogël.
Të njëjtat burime shtojnë se në territorin e jashtëm të banesës së tij, u plagos me armë zjarri shtetasi Faik Veliu, i cili ndodhet në spital, nën kujdesin e mjekëve. Ai është jashtë rrezikut për jetën.
