Një biznesmen është vënë në pranga nga policia, pasi ka goditur me armë të ftohta një 22-vjeçar. Ky i fundit kishte kërcënuar punonjësen e biznesmenit.
Nga specialistët për Hetimin e Krimit në Komisariatin e Policisë Nr.2., u bë arrestimi në flagrancë të shtetasve E.H., 37 vjeç, për veprën penale “Plagosja e rëndë me dashje” dhe J.K., 22 vjeç, për veprat “Kanosja” dhe “Mbajtja pa leje e armëve të ftohta”.
Një ditë më parë, në rrugën “Sami Frashëri”, dy shtetasit në fjalë janë konfliktuar fizikisht me njëri-tjetrin, sepse 22-vjeçari ka kanosur një punonjëse në dyqanin në pronësi të shtetasit E. H.
Si pasojë e konfliktit është dëmtuar shtetasi J. K., i cili ndodhet më spital, nën kujdesin e mjekëve. Në vijim të veprimeve, gjatë kontrollit fizik shtetasit J.K. iu gjet dhe iu sekuestrua një armë e ftohtë.
