Të gjithë personat që do të udhëtojnë drejt Italisë, nga sot do të kalojnë duke zbatuar rregullat e reja. Ministri i Shëndetësisë i vendit fqinj Roberto Speranza, ka ndërmarrë masa të reja duke marrë shkas nga numri në rritje të infektimeve.
Vendet që nuk janë pjesë në Bashkimin Evropian, por që nuk bëjnë pjesë në vendet e riskut të lartë të rrezikshmërisë, si Shqipëria apo Kosova, do të lejohen të futen në Itali, duke respektuar një karantinë 5 ditore.
Kushti i parë për të kaluar në territorin italian, është pajisja me certifikatën e vaksinimit, ose testit COVID, i cili duhet të rezultojë negativ, jo më shumë se 72 orë më parë.
Kushti i dytë është plotësimi i formularit PFL, për të shpjeguar arsyen e udhëtimit drejt Italisë.
Për fëmijët e vegjël deri në moshën 6-vjeçare, nuk është e detyrueshme kryerja e tamponit molekular antigjenik.
Udhëtimi në territorin italian me makinë private, për më shumë se 36 orë, nuk e bën të detyrueshme karantinimin 5 ditor, por duhet patjetër të plotësojnë 2 rregullat e tjera.
