Kryeministri i Maqedonisë së Veriut, Zoran Zaev ka ironizuar Bashkimin Europian, në lidhje me vendimin për të mos hapur negociatat, për shkak të vetos së vendosur nga Bullgaria.
Gjatë një deklarate ditën e sotme në Shkup, Zaev tha se kur Bashkimi Europian do të jetë gati për të vazhduar me procesin e integrimit, atëherë ta lajmërojë.
Ndër të tjera, Zaev tha se qeveria e tij është e përkushtuar për evropianizimin e vendit.
Zoran Zaev: ”Kjo është punë e Bashkimit Evropian, kur të vendosin për ta vazhduar procesin, le të lajmërohen. Në ndërkohë ne vazhdojmë me evropianizimin këtu. Kemi procese serioze në agjendën Evropa në Shtëpi, që do të thotë edhe unifikimin e tarifës së doganave, ja sot në Qeveri është faza e parë ndërsa vazhdojnë konsultimet, ku do t’i barazojmë të gjitha doganat në nivelin e Bashkimit Evropian. Kjo është pjesë e kapitujve, ne tashmë po e bëjmë.”
