Pandemia e koronavirusit ka shkaktuar dëme të mëdha financiare në futboll, duke bërë që shumë klube të mëdha europiane, të reduktojnë pagat e lojtarëve, apo të mos përfshihen ë maerkato.
E njëjta gjë po i ndodh edhe klubit gjerman, Bajern Mynih, ku sipas prestigjozes ”SportBild”, kampionët e Bundesligës kanë vendosur që rrogat e lojtarëve të tyre, të mos jenë mbi 20 milion euro. Përjashtim, bën vetëm sulmuesi Robert Levandovsi, i cili merr më tepër.
Më pas në hierarkinë e skuadrës vjen boshti me lojtarë si kapiteni Nojer, Myler dhe Sane, të cilët bëjnë pjesë në këtë nivel (rroga + 15 milionë euro). Në grupin e dytë, janë rrogat nga 10-15 milionë euro dhe këtu përfshihen kontratat e Kimishit, Komanit dhe Gnabrisë.
Në grupin e tretë (5-10 milionë euro), është struktura e rrogave që përfshin Goreckën dhe Zylen. Dhe në grupin e fundit janë futbollistët që fitojnë deri në 5 milionë euro. Sipas “SportBild”, shumë prej lojtarëve që janë në plan për të rinovuar do të kërkojnë përmirësim të rrogave të tyre.
