Emiratet e Bashkuara Arabe kanë krijuar shiun artificial, duke përdorur dronë që fluturojnë në re dhe lëshojnë ngarkesa elektrike për të mposhtur temperaturat e larta deri në 50 gradë celcius që kanë pushtuar vendin.
Shiu është formuar duke përdorur teknologjinë e dronëve që u jep reve një goditje elektrike për t’i ‘kapur ato’ duke u grumbulluar së bashku dhe për të prodhuar reshje, shkruan Daily Mail.
Emiratet e Bashkuara Arabe janë një nga vendet më të thata në Tokë dhe shpreson se teknika mund të ndihmojë në rritjen e reshjeve të saj të dobëta vjetore.
Mesa duket, kjo metodë po funksionon. Pamjet e bëra publike nga Qendra Kombëtare e Meteorologjisë së Emirateve të Bashkuara Arabe, tregojnë reshje të mëdha shiu në të gjithë vendin.
Shërbimi Kombëtar i Motit tha se reshjet ishin përforcuar nga një teknikë e njohur si mbjellja e reve dhe synonin të rrisë kondensimin e tyre me shpresën se mund të shkaktonte shi.
Shiu artificial po krijohet duke përdorur teknologjinë e dronëve në kërkimet e udhëhequra nga ekspertët në Universitetin e Reading në Britaninë e Madhe. Profesori Maarten Ambaum, i cili punoi në projektin special, i tha BBC në fillim të këtij viti se Emiratet e Bashkuara Arabe kanë mjaftueshëm re për të krijuar kushte që lejojnë reshje shiu.
Teknologjia përdor një dron për të lëshuar ngarkesa elektrike në re, gjë që ndihmon pikat e ujit të bashkohen për të formuar reshje, ‘si flokët e thatë në një krehër’. “Kur pikat të bashkohen dhe të jenë mjaft të mëdha, ato formojnë reshje shiu”, tha profesori Ambaum.
