Antoine de Saint Exupery lindi më 29 qershor 1900 në Marsejë, Francë. Babai i tij vdiq në vitin 1904 nga një goditje në tru, kështu që nëna e tij u zhvendos me fëmijët e saj në Le Mans në vitin 1909. Ai kaloi vitet e fëmijërisë në kështjellën e Saint-Maurice-de-Rémens, rrethuar nga motra, halla, kushërinj dhe kujdestare. E mori arsimin e hershëm në shkollat ​​e Jezuitëve në Montgre dhe Le Mans, dhe në një kolegj katolik në Zvicër (1915-1917). Për dhe vetë zhgënjimin e tij, dështoi në provimin përfundimtar në një shkollë përgatitore universitare, kështu që u regjistrua në ‘L’ecole des Beaux-Arts’ (shkolla e arteve të bukura) për të studiuar arkitekturë. U përpoq të regjistrohej në Marinë por nuk arriti të hynte. Në vitin 1921 ai filloi si mekanik dhe u bashkua me Forcën Ajrore Franceze në Strasburg. Sidoqoftë, kur familja e të fejuarës së tij kundërshtoi, ai u vendos në Paris ku zuri një punë zyre dhe filloi të shkruante. Fejesa e tij u prish diku më vonë.

Tregimi i parë i shkurtër i Saint-Exupéry, “L’Aviateur” (Aviatori), u botua në vitin 1926 në revistën letrare Le Navire d’argent. Karriera e tij mori hov kur në vitin 1928; ai u bë drejtori i aeroportit të largët Cap Juby në Rio de Oro, Sahara. Gjatë kësaj kohe, shtëpia në të cilën jetonte ishte prej druri dhe ai flinte në një paletë të hollë. Arriti një moment në jetën e tij kur ishte plotësisht i izoluar. Ishte ai momenti kur shkroi ‘Princi i Vogël’ dhe ‘Urtësia e Sandeve’ që treguan dashurinë e tij për shkretëtirën. Romani i tij i parë, ‘Southern Mail’ manifestoi guximin e pilotëve të parë, duke fluturuar në kufirin e sigurisë, për të shpejtuar postën dhe për të fituar avantazh tregtar ndaj rivalëve në hekurudha dhe avullore. Një histori tjetër u shkrua ku përshkruhej marrëdhënia e dështuar e autorit me të dashurën e tij.

Në vitin 1929, Saint-Exupéry fluturoi për në Amerikën e Jugut, ku u emërua drejtor i Argentina Aeroposta Company. Kjo përvojë krijoi bazën për romanin e tij të dytë, ‘Fluturimi i natës’ i cili u bë një bestseller ndërkombëtar. Me atë histori fitoi ‘Prix Femina’. Historia flet për Rivière, shefin e forcuar të aeroportit, i cili doli në pension dhe e pranoi detyrën e fluturimit postar si fatin e tij.

Saint-Exupéry u martua me një të ve, Consuelo Gómez Carillo në 1931-shin. Martesa nuk zgjati shumë. Consuelo u ndie e lënë pas dore nga burri i saj, i cili nuk kishte kohë t’i kushtonte shumë vëmendje nevojave të saj. Ai gjithashtu u përfol se ishte i angazhuar në marrëdhënie me gra të tjera. Pasi u bind nga një mik, ai shkroi një libër në lidhje me rrëfimet e pilotëve, ‘Wind, Sand and Stars’ (Erë, rërë dhe yje), i cili u publikua në 1939-ën dhe fitoi ‘Grand Prix du Roman’ të Akademisë Franceze në 1939-ën dhe Çmimin Kombëtar të Librit në Shtetet e Bashkuara. Ai u zhduk gjatë një fluturimi zbulimi mbi Mesdhe dhe Francë në korrik 1944 dhe besohet se ka vdekur rreth asaj kohe. /TIRANA TODAY/Totila Kotorri

Duhet të ri-zbulojmë krijimtarinë tipike të fëmijërisë

Libri “Princi i Vogël” hapet me historinë e vizatimit të parë të bërë nga rrëfimtari. Një gjarpër boa që gllabëron një elefant; që u ngatërrua në mënyrë cinike me kapelën një të rrituri. I vetmi që do të kuptojë pas shumë vitesh kuptimin e vizatimit do të jetë “Princi i Vogël”. Shkenca pohon se krijimtaria dhe imagjinata janë shumë të rëndësishme për shëndetin e njeriut, pasi e zvogëlojnë dukshëm stresin e jetës së përditshme.

Vlerësoni kënaqësitë e vogla në jetë, siç bën edhe Princi i Vogël

Biznesmeni me të cilin u takua Princi i Vogël,është i bindur se zotëron edhe yjet lart në qiell, pa ditur që të vlerësojë bukurinë, çka është emblema e atyre që nuk dinë të shfrytëzojnë gjërat e vogla, të shijojnë kënaqësitë e përditshme,apo të qeshin edhe me gjërat më të vogla. Në fakt, një studim i kohëve të fundit nga Universiteti Loma Linda në SHBA, ka treguar se njerëzit që qeshin më shumë kanë një memorie afatshkurtër më të mirë sesa të tjerët.

Çelësi i lumturisë është gjetja e kohës për t’u marrë me veten

Në planetin e pestë, Princi i Vogël, takon një person që ka për detyrë të ndezë dhe të fikë çdo minutë një llambë, duke mos pasur kësisoj kohë për të fjetur apo për të pushuar. Në vend të kësaj, ju duhet t’i kushtoni kohë vetes, të njihni më mirë veten, dhe të vlerësoni çdo moment që kaloni. Sipas shkencës, lumturia bazohet tek një trup i relaksuar dhe i qetë.

Duhet të kemi guximin të zbulojmë gjëra të reja

Me gjithë njohuritë e gjera të treguara në librat e tij, gjeografi i planetit të gjashtë, nuk kishte guxuar asnjëherë të dilte dhe të eksploronte tokat për të cilat kishte shkruar. Por për të qenë të lumtur ju duhet të guxoni, të dilni nga zona juaj e rehatisë dhe të përballeni me sfidat e përditshme, në mënyrë që të mësoni se si të përballoni më mirë ankthet tuaja.

Zgjedhjet më të mira, janë ato që bëhen me zemër

Princi i Vogël do një trëndafil në planetin e tij, që në pamje të parë është një trëndafil si çdo tjetër. Dhelpra do ta bëjë atë të kuptojë se trëndafili i tij është unik, pasi ai e ka zgjedhur vetë atë, dhe po kujdeset për të me të gjithë qenien e tij. Një studim i botuar në vitin 2012, tregon se vendimet intuitive janë shpesh më të mira se sa ato që janë të arsyetuara