Lezha është qarku i parë ku inspektimet në biznese do të bëhen online. Inspektorati Qendror ka trajnuar inspektorët e drejtorive rajonale dhe ata vendore duke synuar që të shtrihet më pas në të gjithë vendin.
Nga qyteti verior, kreu i Inspektoriatit Qendror, Shkëlqim Hajdari tha se përmes këtyre inspektimeve, synohet që të ulet korrupsioni dhe barra ndaj bizneseve.
Sipas Hajdarit, Shqipëria do t’i kryejë inspektimet online, si në nivel kombëtar, ashtu në atë lokal, teksa shtoi se me anë të këtij procesi, do të rritet edhe profesionalizmi i inspektorëve.
Ndër të tjera, Hajdari u shpreh se nëpërmjet inspektimeve online, synohet zhvillimi dhe formalizmi i biznesit, e jo penalizimi i tyre.
Shkëlqim Hajdari: ”Shqipëria do t’i kryejë inspektimet online, qoftë në nivel kombëtar, qoftë në nivel lokal. Kjo është një arritje e madhe sepse do uli në maksimum korrupsionin ndaj biznesit, barrën ndaj biznesit dhe do të rrisë profesionalizmin e inspektorëve. Ne synojmë të përmirësojmë klimën e bzinesit, të ulim barren ndaj tyre. Nëpërmjet inspektimeve tona biznesi të rofmalizohet, të zhvillohet dhe jo të penalizohet.”
