Kryetari i Kuvensit të Serbisë, Ivica Daçiç deklaroi se Prishtina duhet të vihet në presion, në mënyrë që dialogu ndërmjet dy vendeve të arrijë progres. Sipas tij, Prishtina nuk po zbaton detyrimet e saj nga Marrëveshja e Brukselit, shkruan Tanjug.
Ai u shpreh se politikanët shqiptarë në Prishtinë janë të ndarë sa i takon çështjes së dialogut, teksa shtoi se kryeministri kosovar Albin Kurti duket më shumë si gjerman sesa amerikan.
”Prishtina “nuk dëgjon askënd”, as Brukselin, as SHBA. Politikanët shqiptarë në Prishtinë janë të ndarë, kështu që disa janë amerikanë, të tjerë evropianë dhe i treti gjerman . “(Kryeministri i Kosovës) Albin Kurti thuhet se është më shumë një njeri gjerman sesa një amerikan,” shtoi Daçiç.
Daçiç ka komentuar edhe miratimin e rezolutës për Sebrenicën në Kuvendin e Kosovës, duke e cilësuar atë si dëshira për të krijuar atmosferën, se vetëm Serbia nuk e dënon gjenocidin në fjalë.
