Rusia i ka ofruar sërish ndihmë Koresë së Veriut për vaksinat kundër koronavirusit, por shteti komunist e ka refuzuar diçka të tillë, pasi insiston se nuk ka asnjë rast me Covid-19.
Lideri Kim Jong Un ka ndërmarrë masa të ashpra dhe ka vendosur një bllokim më të rreptë, për shkak të pandemisë së koronavirusit, dhe mendohet se këto veprime mund ta parandalojnë përhapjen në Korenë e Veriut, shkruan BBC.
Megjithatë, këto masa kanë shkaktuar mungesa të theksuara në ushqim në Korenë e Veriut, duke bërë që qytetarët të vuajnë për ushqim. Vetë Kim Jong Un, në në deklaratë u ka thënë qytetarëve se ky vit do të jetë më i keqi në vend për mungesën e theksuar të ushqimeve, për shkak të mbylljes që i ka bërë vendit, si dhe të tajfunëve që kanë goditur vendin.
Ministri i Jashtëm i Rusisë, Sergei Lavrov përsëriti qëndrimin e Moskës, se janë të gashtëm të dhurojnë vaksina anti-covid, nëse Koreja e Veriut do t’i kërkojë.
