Ministrja e Shëndetësisë dhe Mbrojtjes Sociale, Ogerta Manastirliu i ka bërë thirrje qytetarëve që të vaksinohen gjatë muajve të verës.
Gjatë një vizite në Lushnje, Manastirliu u shpreh se vaksinimi është e vetmja mënyrë për t’i bërë ballë varianteve të reja të koronavirusit.
”Vaksinim • Vaksinim • Vaksinim. Sa më shumë qytetarë të mbrojtur gjatë muajve të verës, aq më mirë do t’i bëjmë ballë varianteve të reja të mundshme të Covid19 dhe vjeshtës së ardhshmeVaksinimi i qytetarëve në Lushnje. ShqipëriaBuzëqesh”, shkruan Manastirliu në rrjetin social, Facebook.
Situata epidemiologjike në 24 orët e fundit
Janë kryer 3513 testime, nga të cilat kanë rezultuar pozitiv me Covid 19 tre qytetarë: 2 raste në Vlorë, 1 në Tiranë.
Në 24 orët e fundit nuk ka asnjë humbje jete me Sars-Cov2 pozitiv, ndërkohë, janë shëruar 4 qytetarë gjatë 24 orëve të fundit, duke e çuar numrin e të shëruarve në 130,018 që nga fillimi i epidemisë.
Statistika (2 Korrik 2021)
Raste të reja ditore 3
Të shëruar në 24 orë 4
Të shtruar në spitale 3
Humbje jete në 24 orë 0
Testime ditore 3513
Testime totale 812,299
Raste pozitive 132,526
Raste të shëruara 130,018
Raste Aktive 52
Humbje jete 2,456
Shpërndarja gjeografike e rasteve aktive sipas qarqeve:
Tiranë 21
Shkodër 12
Elbasan 6
Durrës 5
Vlorë 3
Lezhë 2
Berat 2
Fier 1
