Presidenti i Rusisë Vladimir Putin, deklaroi ditën e sotme para gazetarëve, se është injektuar me të dyja dozat e vaksinës ruse të Sputnik V.
Putin tha se e ndjente të nevojshme të mbrohej nga Covid-19 për aq kohë sa të ishte e mundur dhe gjithashtu, bëri me dije se nuk ka patur ndonjë efekt anësor, shkruan Hindustan Times.
“Pasi u injektova me dozën e parë, nuk ndjeva asgjë. Të dytën e mora në mes të ditës. Në mesnatë, unë mata temperaturën. Ishte 37.1 gradë Shkova për të fjetur, kur u zgjova temperatura ime ishte 36.5. Kjo është e gjitha”, tha Putin.
Kreu i Kremlinit u shpreh se është kundër vaksinimit të detyrueshëm,por tha se ushtria po vaksinohet me Sputnik-V, njësoj si ai, dhe një pjesë e madhe e qytatarëve rusë.
Ndër të tjera, Putin mbrojti autoritetet lokale duke ndërmarrë hapa për të siguruar vaksinimin, teska shtoi se është e nevojshme për të shmangur një bllokim kombëtar.
Presidenti Putin u injektua me dozën e parë të vakinës në muajin mars, dhe një muaj më vonë, ai mori edhe dozën e dytë. Por, ai nuk pranoi të vaksinohej live si një pjesë e mirë e liderëve botërore, dhe nuk dihej me cilën dozë ishte vaksinuar.
