“Kujdes nga infeksionet virale të ditëve të nxehta”. Mjeku i njohur infeksionist, Tritan Kalo, përmes një mesazhi në rrjetet sociale, u ka bërë apel qytetarëve që në ditët e nxehta të tregohen të kujdesshëm, të mbajnë trupin të hidratuar, por edhe t’i rrinë larg ushqimeve të servirura larg kushteve jo higjienike. Ai u kërkon qytetarëve që të këshillohen me mjekun e familjes përpara pushimeve, ndërkohë që ka theksuar se ethet disa ditore që shkaktohen te pushuesit, mund të jenë ngjasuese në mjaft shënja klinike me Covid-19…..
Mesazhi i mjekut Tritan Kalo:
KUJDES në këto ditë”ferri” sepse temperaturat e larta janë po aq jetëlënduese e jetëmarrëse, sa vetë Sars-Cov2/Covid-19, rastet sporadike sëmundjebartëse të së cilës do të enden edhe për shumë e shumë kohë në mes nesh….
KUJDES me hidrimin tuaj të kujdesshëm e sa më të shpeshtë…..
KUJDES sepse vera shoqërohet me infeksione të shumta toksiko-alimentare, ndaj mos konsumoni çfarëdo si dhe në kushte higjeno-sanitare të cilat lënë për të dëshiruar….
KUJDES se infeksionet e lëkurës dhe të syve janë të shpeshta nga viruset, bakteriet, mykrat e parazitët e ujrave ku ne lahemi…..
KUJDES sepse infeksionet virale që shkaktojnë “gripin e verës”, apo ethen 3-5 ditore janë të shpeshta, sidomos në mjediset ku ne pushojmë buzë detit, ngjasuese në mjaft shënja klinike me Sars-Cov2/Covid-19….
JO PANIK, por vetëkujdesje si dhe këshillime me mjekun më të afërm…
JO VETMJEKIM, sepse janë Profesionalizmi, Përkushtimi, Puna dhe Pëkujdesja e Personelit Mjeksore ato që dinë të bëjnë diferencën në lidhje me format e shkallët e rëndesës së një infeksioni, apo të rëndimit të një sëmundje tuaj kronike….
