Ish-ministri i Drejtësisë, Ylli Manjani, paralajmëron se pas gjykatësve dhe prokurorëve radhën e kanë OJQ-të që të japin llogari për pastrimin e parave. Ylli Manjani, teksa ka dhënë alarmin për fenomenin e pastrimit të parave, thotë se i gjithë populli pastron para. Ndër të tjera ai ka shënjestruar Qeverinë, duke e akuzuar se po mbulon koncensionarët dhe offshorsat anonimë.
Më herët, autoritet evropiane kanë ngritur alarmin se masat e marra nga Shqipëria kundër pastrimit të parave, financimit të terrorizmit dhe prezencës së kompanive offshore janë të pamjaftueshme. Vlen të theksohet fakti se alarmi për rrezikun e kompanive offshore në vendin tonë u ngrit edhe nga Ambasadori i BE në Tiranë, Luigi Soreca. Më herët i ka bërë thirrje qeverisë shqiptare të rriste masat kundër pastrimit të parave, dhe financimit të terrorizmit. “Ju e dini shumë mirë se forcimi i luftës kundër krimit të organizuar, korrupsionit dhe pastrimit të parave është prioritet i BE-së”, ka deklaruar Soreca në një konferencë në Tiranë.
Statusi
Pas gjykatësve dhe prokurorëve, radhën e kanë OJQ që të japin llogari për pastrimin e parave…!!!
Të gjithë pastrojnë para në këtë vend! Gjykatës, prokurorë, OJQ, gazetarë, avokatë, opozitarët po e po, pastrojnë para. I gjithë populli pastron para.
Vetëm koncensionarët, offshorsat dhe kullaxhinjtë anonimë që punojnë me leje nga qeveria jo. Ata janë të ndershëm…
Ore e meritojmë këtë qeveri që kemi!
