Zv.ministri i Mbrojtjes Petro Koçi, deklaroi se vendimi i kryetarit të Kuvendit Gramoz Ruçi, për t;u larguar nga Partia Socialiste dhe politika, ishte tërësisht personal, dhe tregoi simbolin e burrërisë dhe pjekurisë politike.
Në një prononcim për mediat nga Fieri, Koçi u shpreh se ky shembull që tregoi Ruçi, mungon te Partia Demokratike.
Koçi tha se ish-kryeministri Sali Berisha duhet të bëjë të njëjtën veprim si Ruçi, por sipas tij, ai ka vendosur që të mbajë peng PD-në.
Petro Koçi: ”Ruçi është një koleg dhe shok i pazëvendesueshëm. Vendimi tij për t’u larguar është personal. Me ketë vendim tregoi simbolin e burrërisë dhe pjekurisë politike. Janë të rrallë burrat që kanë vendosur të lënë karrierën kur kanë qenë në lartësinë profesionale. Besoj se do ta ndjejme për një kohë të gjatë mungesën e Ruçit. Kjo përvojë do të na shërbejë shumë, veçanërisht të rinjve.
Kemi të bëjmë me një shembull që fatkeqësisht mungon. Mungon në PD një rast i tillë, sidomos kur flasim për një figurë siç është Sali Berisha i cili sapo është shpallur në përbërjen e një liste të zezë ne SHBA dhe ngaqë do më shumë interesat e veta dhe nuk do as partinë e vetë nuk do as veten e tij. Po të largohej nga PD do ishte nje barrë më pak për PD. Duket që interesat personale janë më të forta sesa interesat publike, qofte edhe të partise së vetë qe ka drejtuar për shumë vjet.”
