Kandidati për kryetar i Partisë Demokratike, Fatbardh Kadilli, ka pranuar humbjen. Në një deklaratë për mediat, ai pohoi se nuk ka ndërmend të krijojë parti të re, dhe se beteja e tij do të vijojë në PD. Në një konferencë urgjente, Kadilli tha se do të vazhdojë projektin e tij për ringritjen e Partisë Demokratike, ndërsa izonizoi kryedemokratin Basha duke thënë se “nuk është si Luli”. Sipas rezultateve paraprake, Basha ka grumbulluar 32 mijë e 882 vota, ndjekur nga Agron Shehaj me 6 mijë e 38 vota, Edith Harxhi me 991 vota dhe Fatbardh Kadilli me 763 vota.
“Jam krenar që në partinë time, jo për interesin tim, ndeza shkëndijën e parë të garës. Më shumë se garë ishte një sfidë. Kjo sfidë tregoi që opozita nuk ishte ekskluziviteti i askujt. Ata që votuan, dhe ata që nuk votuan.
Nuk jam këtu për të përligjur rezultatin tim, apo për të shprehur keqardhje për fitoren e Lulit. Për atë flasin më mirë ato që keni parë vetë. Patë pabarazi, dhe kohë shumë të shkurtër. Patë një kryetar që nuk lëshoi zyrën. Patë demokratë që nuk gjenin emrin në listë dhe fenomene të ndryshme.
Para shqiptarëve ofruam një garë, po jo standarte. Unë nuk jam Luli, unë e pranoj këtë rezultat dhe vendimin e demokratëve”.
