Agjencia shtetërore e lajmeve të Turqisë, deklaroi se agjentët turq kanë bërë të mundur kapjen e Selahadin Gulen, në një operacion jashtë shtetit dhe e kanë sjellë atë në Turqi ku do të përballet me ndjekje penale.
Selahadini, nipi i Fetullah Gulen, i cili kërkohej në Turqi me akuzat e anëtarësimit në një organizatë terroriste, u kap në një operacion nga agjensia spiune kombëtare e Turqisë MIT, shkruan Voa News.
Çështja e tij është e fundit në lidhje me riatdhesimin e detyruar të njerëzve të lidhur me lëvizjen e Gulen, të cilën qeveria turke e fajëson për një përpjekje të dështuar grushti shteti në vitin 2016.
Gulen, një ish aleat i Presidentit turk Rexhep Tajip Erdogan, i cili tani jeton në Pensilvani të SHBA-ve, ka hedhur poshtë akuzat për përfshirje në përpjekjen e grushtit të shtetit.
Turqia e ka caktuar rrjetin e tij si një grup terrorist, të cilin e ka quajtur Organizatën Fetullahiste të Terrorit, ose FETO. Erdogan njoftoi më herët në muajin maj se një anëtar i shquar i rrjetit të Gulen ishte kapur, por nuk dha detaje të tjera.
