E mërkurë, 16 Qershor, 2021
20.5 C
Tirana

Drejt largimit të Netanyahut? Kryeministri sulmon marrëveshjen e rivalit

Ultra-nacionalisti Naftali Bennett ka kohë deri të mërkurën për të lajmëruar arritjen e një mazhorance të re, që do të largonte kryeministri Benjamin Netanyahu pas 12 vitesh në pushtet. Mediat izraelite kanë shkruar se, kundërshtarët e Netanyahu-t kanë kohë deri të mërkurën për të formuar qeverinë. E nëse ata ia dalin mbanë, kjo do të sillte fundin e sundimit të kryeministrit më të “jetëgjatë” në vend.

Kryeministri i Izraelit Benjamin Netanyahu, i cili po gjykohet për mashtrim, ka paralajmëruar se një qeveri e re e propozuar nga partitë opozitare do të ishte “një rrezik për sigurinë” e vendit. Ai u bëri thirrje politikanëve të djathtë të mos e mbështesin marrëveshjen pasi udhëheqësi ultra-nacionalist Naftali Bennett bëri të ditur se do ta ndante pushtetin me një parti qendrore.

Netanyahu nuk arriti një shumicë vendimtare në zgjedhjet e përgjithshme në mars të këtij vitit, që ishin të katërtat që zhvillohen rresht, brenda dy viteve, pa mundur të krijojnë një mazhorancë. “Mos formoni një qeveri të majtë, një qeveri e tillë është një rrezik për sigurinë dhe të ardhmen e Izraelit,” tha 71-vjeçari Netanyahu, i cili ka qenë në pushtet për 12 vjet dhe ka dominuar politikën izraelite për një brez.

Sipas gazetës më të madhe izraelite, Haaretz, Netanyahu mësohet se e ka akuzuar Bennett për “mashtrim të publikut” dhe për kryerjen e “mashtrimit të shekullit”, një referencë për premtimet e mëparshme të udhëheqësit të partisë Yamina për të mos bashkuar forcat me udhëheqësin e opozitës së vendit, Yair Lapid.

Bisedimet për qeverinë e re përfshijnë dhe arabët

Kreu i një partie të së djathtës Yamina Naftali Bennett njoftoi të dielën se do të bashkohet me udhëheqësin e opozitës Yair Lapid për të formuar një qeveri të ndarjes së pushtetit në Izrael. Një zhvillim i tillë mund t’i japë fund krizës politike që çoi në katër zgjedhje radhazi në dy vjet.

Lexo edhe :   Izrael/ Betohet sot qeveria e re, Netanyahu 'zbret' pas 12 vitesh nga pushteti

Tre javë më parë, Lapid ishte në prag të formimit të një qeverie për ndarjen e pushtetit që do ta sillte Bennett-in në postin e kryeministrit për dy vjet para se vetë Lapid të merrte detyrën. Por Bennett u tërhoq prej konfliktit të Gazës. Bennett u takua me Lapid të enjten dhe sipas disa raporteve për shtyp i tha Lapid-it se ai donte të bashkohej në një qeveri të ndarjes së pushtetit, por ende ka ende nevojë të bindë anëtarë të tjerë të partisë së tij për këtë lëvizje.

Lexo edhe :   Izrael/ Betohet sot qeveria e re, Netanyahu 'zbret' pas 12 vitesh nga pushteti

Ndërkaq, mësohet se kreu i Yamina-s, Naftali Bennett, i cili dikur kishte kundërshtuar çdo bashkëpunim me partitë arabe, papritmas u deklarua i gatshëm të pranojë mbështetjen e tyre nëse kjo gjë është e nevojshme që ai të bëhet kryeministër, madje edhe me vetëm gjashtë vendet e tyre në parlamentin e vendit, i njohur si Knesset. Shumë prej votuesve të Bennett u zemëruan me këtë vendim. Ai kishte premtuar para zgjedhjeve se nuk do të merrte pjesë në formimin e një qeverie të re që përfshin partitë e majta. Tani, qeveria që ai propozon mbështetet jo vetëm te e majta, por te një parti arabe.(Përgatiti: Tirana Today)

 

- Reklama -

Më shumë nga kategoria




Të fundit

Të ndalet sa më shpejt gjenocidi ndaj myslimanëve në Kinë

Nga Joseph Bosco “The Hill” Kur tmerret e plota të Holokaustit Nazist ishin më se të qarta edhe për mohuesit më kokëfortë gjatë viteve 1940-1950,...

Dhunohet drejtoresha në Bashkinë e Tiranës

Policia njofton se është dhunuar për shkak të detyrës Drejtoresha e Agjencisë së Parqeve dhe Rekreacionit në Bashkinë e Tiranës. Agresori është një 34-vjeçar me...

‘Vatra’ deklaratë: Të na tregohet pse Berisha u shpall “non grata”

DEKLARATË PUBLIKE E FEDERATËS PAN – SHQIPTARE TË AMERIKËS VATRA, RRETH SHPALLJES ‘NON GRATA’ TË ISH- PRESIDENTIT SHQIPTAR DR. SALI BERISHA Federata Pan - Shqiptare...

BE heq kufizimet e udhëtimit për Shqipërinë, Serbinë dhe Maqedoninë e Veriut

Vendet anëtare të Bashkimit Evropian kanë rënë dakord të mërkurën (16 qershor) të heqin kufizimet e udhëtimit për udhëtarët nga tetë vende dhe territore...

Arma më e fuqishme e Opozitës

Nga Oerd Bylykbashi Ligji i Dekriminalizimit funksionon si sahat! Një tjetër kryebashkiak i dënuar me burgim u zbulua falë tij, duhet të largohet nga funksioni...