Kryeministri Edi Rama ka komentuar vendimin e Komitetit Teknik të Ekspertëve, për lehtësimin e masave kundër koronavirusit.
Lidhur me orën policore, të cilën Komiteti ende e mbajti në fuqi, Rama u shpreh se qeveria e di shumë mirë punën që po bën, teksa shtoi se nuk do të bie në kurthin e euforisë.
Ndër të tjera, Rama tha se prej disa kohësh, Shqipëria ndodhet në krye të klasifikimit në Europë, ër ultësinë e nivelit të infektimeve e të humbjeve të jetës.
”Kush bën krahasime me vendet e tjera për orën policore antiCovid, të mos harrojë se prej disa kohësh tanimë jemi në krye të klasifikimit në Europë për ultësinë e nivelit të infektimeve e të humbjeve të jetës! Dmth e dimë mirë atë që bëjmë dhe nuk do të biem në kurthin e euforisë!”, deklaroi Rama.
Ditën e djeshme, Komiteti Teknik i Eksperteve mori disa vendime për lehtësimin e masave anti-covide, që hyjnë në fuqi në 1 qershor, siç ishte heqja e maskave në ambientet të jashtme publike, apo dhe shtyrja e orës policore në fashën orare 23:00 deri në 06:00.
