Policia e Tiranës ka bërë të mundur indentifikimin e autorëve të plagosjes së 19-vjeçarit Reginaldo Kaçorri, ngjarje e ndodhur pak më parë në kryeqytet.
Mësohet se autorët janë dy vëllezërit Klajdi Kodra dhe vëllai i tij Aldo Kodra nga Laçi, të cilët kanë qëlluar mbi të riun në afërsi të një lokali në rrugën ”Liman Kaba”, pranë Kompleksit Olimpik.
Dyshohet se shtetasi Aldo Kodra në bashkëpunim me vëllanë e tij Klajdi, gjatë një konflikti të çastit kanë qëlluar me armë zjarri 19-vjeçari.
Njoftimi i policisë
Tiranë
Identifikohen dhe shpallen në kërkim dy vëllezër, të dyshuar si autorë të plagosjes me armë zjarri të 19-vjeçarit R. K.
Në vijim të informacionit të dhënë më parë për plagosjen me armë zjarri të shtetasit R. K., ndodhur rreth orës 15:45, në rrugën “Liman Kaba”, në afërsi të një lokali, ju informojmë se:
Falë veprimeve të shpejta dhe profesionale hetimore të kryera nga grupi hetimor u bë i mundur identifikimi i autorëve të dyshuar të ngjarjes dhe shpallja në kërkim e tyre.
Dyshohet se shtetasi A. K., në bashkëpunim me vëllanë e tij shtetasin K. K., gjatë një konflikti të çastit kanë qëlluar me armë zjarri 19-vjeçarin R. K.
Grupi hetimor vijon punën për zbardhjen e plotë të rrethanave të ngjarjes.
Shërbimet e policisë po ushtrojnë kontrolle dhe po krehin zonën për të bërë të mundur kapjen e autorëve.
