Mirjan Dedja Asllani, në një intervistë për “News 24”, ka rrëfyer të pathënat sa i takon ekzekutimit të Everest Çakës në Elbasan. Ai tha se kishte patur njohje edhe me kushëririn e të ndjerit, Arjan Spahiu, i vrarë në nëntor të vitit të kaluar me 8 plumba në Belgjikë. Spahiu u ekzekutua në një pritë mafioze. Ai u qëllua me armë zjarri sapo doli nga një lokal në zonën e Molenbeek. 38 vjeçari ishte në shoqërinë e mikut të tij, Florian Narazani.
Viktima, ka qenë i akuzuar 11 vjet më parë si organizator i vrasjes se Gëzim Alikajt, ngjarje e ndodhur në qytetin e Elbasanit, në afërsi të Urës së Zaranikës.
Sipas hetimeve të kohës, ky i fundit dyshohet se ka vrarë 13 vite më parë një të afërm të Arjan Spahiut, ç’ka ka bërë që hetuesit belg të dyshojnë se, krimi ndaj 38 vjeçarit një vit më parë, lidhet pikërisht me këtë ngjarje.
Gjithçka mendohet se është pasojë e luftës mbi kontrollin e territorit, për trafikimin e drogës mes grupeve kriminale shqiptare në disa qytete europiane.
Mirjan Dedja Asllani, i shoqëruar disa herë në polici për të dëshmuar në lidhje me vrasjen e Everest Çakës në Elbasan, tha se kishte patur njohje edhe me kushëririn e të ndjerit, Arjan Spahiu, i vrarë në Belgjikë. Ai thotë se e ka patur shok Arjanin, ndërsa kontakti i fundit me të ka qenë para tri vitesh.
A njihnit ju Arjanin e vogël, Arjan Spahiun?
E njoh, e kam pas shok shkolle paralel. E kam pas shumë shokë.
Kishit kontakte me të?
Para 3 vitesh kam pas kontakt për herë të fundit. Me shokun e ngushtë të Arjanit kam pas gjithmonë kontakte.
Keni idenë çfarë ka ndodhur?
S’e kam idenë fare. Kam takuar Florianin që ka qenë në makinë me Arjanin, dhe shpjegoi situatën sesi kishte ndodhur ngjarja.
Personi që ka qenë me të në automjet kur Arjani u qëllua në Molembeek…?
Ai më tha ‘erdhi dikush me pistoletë ose tomson, e na qëlloi direkt drejt’. Mua nuk më qëlluan, më lanë. Arjanin e ekzekutuan në moment.
