Gazetari Kosovar, Berat Buzhala ka reaguar në lidhje me vendimin e Departamentit Amerikan të Shtetit (DASH), për shpalljen ”non grata” të ish-kryeministrit Sali Berisha dhe familjes së tij.
Buzhala i ka dalë në krah Berishës, duke theksuar se ai ishte politikani i parë shqiptar që shkoi në Shtëpinë e Bardhë në Uashington dhe ngriti çështjen e Kosovës.
Sipas Buzhalës, Berisha ndoshta nuk mund të jetë personazh pozitiv në dokumentet e Departsmentit të Shteti, por në dokumentet e popullit shqiptar, ai është i tillë.
Ndër të tjera, Buzhala shprehet se Berisha është mik i Partisë Republikane dhe asaj Demorkatike në SHBA, teksoi shtoi se kur ish-kryeministri ishte në pushtet, raportet ishin të shkëlqyeshme.
Postimi i Buzhalës në rrjetin social, Facebook
Sali Berisha ishte politikani i pare shqiptar, pas renies se komunizmit, qe shkoi ne Shtepi te Bardhe dhe e ngriti ceshtjen e Kosoves. Sali Berisha ishte politikani i pare ne Shqiperi qe vendosi t’i shpoje malet per ta bashkuar kombin. Sali Berisha, ndoshta ne dokumentet e Departamentit te Shtetit nuk eshte personazh pozitiv, por ne dokumentet e popullit shqiptar ai eshte i tille.
Berisha as nuk eshte politikani me i korruptuar ne Ballkan, e as me jodemokratiku. Sigurisht qe eshte me ndryshe se cdo kush tjeter. Eshte kaliber special. Eshte karakter i vecante, me te mirat dhe te keqijat e tij, por assesi nuk e meriton te dizajnohet si koka e krimit te organizuar.
Berisha ishte mik i partise Republikane, e me pak i asaj Demokratike. Sa here qe republikanet ishin ne pushtet atje, e Berisha ishte ketu, raportet me Ameriken ishin te shkelqyeshme. Te vetmet here kur presidentet amerikane kane shkelur ne token shqiptare ka qene kur ne pushtet ishte Berisha.
