”Personin që futi drogën në makinën e efektivit të RENEA-s, klienti im nuk e njihte, por e mori rastësisht në mainë, pasi e pa si burrë të vjertër”.
Kështu është shprehur avokati i efektivit të RENEA-s, Ferdinand Ndoja, pas seancës së djeshme ku Xhuljano Lici u la në arrest me burg për të paktën 35 ditë, deri sat ë verifikohen provat. Efektivi i RENEA-s, bashkë me dy persona të tjerë, u kapën me 1 kg kokainë gjatë operacionit “Baron” tri ditë më parë.
Sipas avokatit të Xhuljo Liçit, ai thjesht kishte marrë në makinën e tij, një burrë në moshë, pa asnjë lloj qëllimi tjetër dhe nuk kishte pasur dijeni në lidhje me atë çfarë ai futi në bagazhin e makinës së tij. Më tej ai shtoi se edhe dëshmitë e dhëna nga personat e dyshuar janë të tilla që përputhen dhe nuk kishte përse të jepej kjo masë dënimi për klientin e tij.
“Sot më shumë se kurrë u sqarua në seancë, pozicioni i të tre të pandehurve, përfshirë atë që përfaqësoja unë, Xhuljano Licin. Në momentin që ai dëgjoi bashkëdeklarimet e të tjerëve pra të Dedë Nimanit dolën qartë detajet dhe prandaj kërkoi arrest me burg me 35 ditë. Por jemi të pakënaqur nga vendi i gjykatës, pasi kjo nuk duhet të jepej, duke qenë se me tërë mend ai djalë ishte i rastësishëm dhe e ka marrë në makinë Dedë Limanin vetëm duke parë se ishte burrë në moshë dhe jo për arsye tjetër. Rezulton se nuk ka asnjë lloj njohje asnjë lloj komunikimi. Nga mbikëqyrja në aparatet e tyre celularë u pa që nuk u gjetën aspak lidhje të të hetuarve me njëri tjetrin. Fakti që edhe në kërkesën për caktimin e masës së sigurimit thuhet që Dedë Nimani ka qenë në ndjekje edhe më përpara do të thotë që ka pasur mbase një lloj gjurmimi të caktuar. Por nuk jam njohur me të gjithë faktet e ndjekjeve të mëparshme për të thënë diçka. Do të ishte një provë indirekte nëse do ishim përpara deklarimeve të pavërteta. Në rast se Deda do të ishte duke pritur këtë person nuk ka përse të ecte në këmbë në pritej të një makine që po vinte kastile për të. Deda ka filluar të eci në këmbë dhe duke ecur duke bërë autostop” tha avokati i efektivit, Ndoja.
