Aeroporti i Rinasit është përfshirë nga kaosi, për shkak të anulimit të fluturimeve, pas grevës së punonjësve të Albcontrol.
Për ish-prokurorin, Shkëlqim Hajdari sjellja e kontrollorëve në aeroport përbën vepër penale, dhe se diçka e tillë nuk ka ndodhur në asnjë shtet gjatë periudhës së pandemisë.
I ftuar në emisonin ”Real Story”, Hajdari u shpreh se nëse do ishte vetë për këtë rast, si ish-prokuror, do të kryente masën e arrestit në flagrancë.
Shkëlqim Hajdari: “Kur mora vesh lajmin, kujtova se ishte ëndërr. Kjo është një ëndërr e keqe. Për pagat, janë ulur edhe për shkak të pandemisë. Nuk ka ndodhur në asnjë shtet, që të futesh në një grevë, direkt. Sjellja e kontrollorëve është kryerje e veprës penale.
Qeveria e ka marrë ngadalë, por unë për ata njerëz që nuk kthehen në punë, do kryeja masën e arrestit në flagrancë. Kjo është një ngjarje e paprecedentë. Rruga që kanë zgjedhur, duke bërë grevë pa paralajmërim, ata duhet të arrestohen”.
