Komisioneri Shtetëror i Zgjedhjeve, Ilirjan Celibashi u shpreh se të gjithë personat e infektuar me Covid-19, që janë karantinuar në shtëpi apo trajtohen në spital nuk do të votojnë.
I ftuar në emsionin Radari Informativ, Celibashi deklaroi se personat e infektuar do të kapnin fletën e votimit, ndaj dhe përbën rrezik.
Nëse zgjedhjet parlamentare do të zhvilloheshin sot, 33.946 qytetarë shqiptarë që janë me Covid-19 nuk do të votonin.
“E ka përcaktuar Kodi Zgjedhor. Nëse do të votosh do të duhet të paraqitesh në qendrën e votimit, nuk e kemi sistemin për dërgimin e kutive në shtëpi. Ata e kanë zgjidhur sepse e kanë zgjidhjen në ligj, që mund t’ja çosh kutinë dikujt që është i pamundur, nuk e di nëse e kanë aplikuar edhe për ata me COVID-19. Ai që është infektuar do të prekë fletën e votimit që do të merret nga komisioneri.”, tha Celibashi.
