Presidenti i Republikës, Ilir Meta i është përgjigjur ashpër akuzave të ish-kryeministrit Fatos Nano, i cili tha disa ditë më parë se te Meta shikonte të shtatë mëkatet e Biblës.
I ftuar në emsionin ”Çim Peka Live” në ”Syri.net”, Meta u shpreh se Nano ka qenë dhe mbetet nëj karakter ordiner.
Ndër të tjera, Meta tha se Nano largohej 1 javë nga Tirana dhe shkonte në Maqedoni sa herë që “kollitej” Sali Berisha.
“Kur ishte në krye të funksioneve dha shembullin më të keq se si kryhen këto funksione para socialistëve dhe popullit shqiptar. Koha ka treguar që unë kam patur gjithmonë të drejtë. T’u thuash socialistëve që Meta nuk ka qëndruar në krye të detyrës…kur njëherë kollitej doktori ishte në Maqedoni në preteksin e vizitave mjekësore. Unë jam përpjekur që ta shndërroja nga një të burgosur ordiner në një të burgosur politik. Ai ishte dhe mbetet një karakter ordiner”, tha Meta.
