Kryetari i Partisë Demorkatike, Lulzim Basha ka publikuar një sondazh në rrjetet sociale, ku qytetarët kanë votuar për kryeministrin më të mirë që mund të jetë për Shqipërinë pas zgjedhjeve të 25 prillit.
Sipas sondazhit, 53.2% e të anketuarve mendojnë se Basha do ishte kryeministër më i mirë për vendin, dukshëm në avantazh me kryeministrin Edi Rama, që ka një mbështetje prej 38.7%.
Basha falenderon pjesëmarrësit në këtë sondazh duke theksuar se më 25 prill Shqipëria fiton dhe Rama humb.
”Faleminderit për mbështetjen e jashtëzakonshme. Në 25 prill, Shqipëria fiton dhe Rama humb”, shkruan Basha në Facebook.
