Të paktën 67 persona humbën jetën dhe qindra të tjerë janë plagosur në Indonezi, pas lëkundjeve të fuqishme sizimike në ishullin Sulawesi, duke shembur disa ndërtesa përfshirë dhe një hotel.
Tërmeti me magnitudë 6.2 u regjistrua në orët e para të mëngjesit, duke shkaktuar panik në mesin e banorëve të tmerruar të ishullit, i cili u godit nga një tërmet i madh dy vjet e gjysmë më parë, si pasojë e të cilit gjetën vdekjen mijëra njerëz.
Një banor i Mamuju, kryeqyteti i Sulawesit Perëndimor, tha dëmet e shkaktuara në të gjithë qytetin prej rreth 110,000 banorësh, janë shumë të mëdha.
Pamjet që vijnë nga mediat, përveç shkatërrimit të banesave dhe ndërtesave të ndryshme, tregojnë edhe njerëzit të mbetur nën rrënoja, ku një fëmijë kërkon ndihmë nga ekipet e shpëtimit.
A child who is still alive trapped under rubble after the earthquake in West Sulawesi. pic.twitter.com/mrBskAZcRv
— Saifulbahri Ismail (@saifulCNA) January 15, 2021
