Gjatë mesditës, një makinë ka përplasur policen e rrugores e cila ishte në krye të detyrës. Një makinë me drejtues shtetasin me inicialet K.V., ka aksidentuar një punonjëse të policisë rrugore. Aksidenti ka ndodhur rreth orës 12:55, tek Casa Italia.
“Mjeti me drejtues K. V, ka aksidentuar punonjësen e policisë të qarkullimit rrugor, shtetasen A. Sh, aktualisht në shërbim”, sqaron policia.
Efektivja është dërguar në spital, dhe ndodhet jashtë rrezikut për jetën. Lidhur me këtë ngjarje është ngritur një grup hetimor, i cili po vijon punën për sqarimin e rrethanave të aksidentit.
