Mjeku Pëllumb Pipero ka kërkuar që drejtësia të bëjë punën e saj sa i takon rastit të abuzimit nga ana e sanitares. Ai e ka konsideruar si një gjest të shëmtuar e që duhet dënuar.
Në një intervistë për “Report Tv”, mjeku Pipero i drejtohet Prokurorisë që të tregohet profesionale. Që ta hetojë çështjen, e të shikojë nëse ka dhe implikime të tjera.
“Është një ngjarje që nuk na nderon, edhe pse është sanitare është bluzë e bardhë, por gjithsesi mbetet një rast i veçuar, i shëmtuar që duhet dënuar, i neveritshëm. Mënyra sesi është sjellë, si ka vepruar e mashtruar, le të shpresojmë që Prokuroria do të tregohet profesionale, ta hetojë çështjen. Të shikojë nëse ka dhe implikime të tjera.
Të jemi pjesë e qytetarit për ta denoncuar një rast i tillë. Besoj që është një rast i vetmuar, që nuk i njollos bluzat e bardha, bluzat e bardha nuk i ngjan asaj bluze që vetëm e bardhë nuk quhet”, thotë ai.
