Ministri i Jashtëm grek, Nikos Denidas ka zhvilluar një bisedë telefonike me kryeministrin Edi Rama.
Lajmin e ka bërë vetë të ditur Denidas përmes një postimi në rrjetet sociale.
Ministri informoi se tema të diskutimit ishin çështjet rajonale.
”Zhvillova një bisedë telefonike me kryeministrin e Shqipërisë, Edi Rama. Në fokus të diskutimit ishin çështjet rajonale.”, shkruan ministri grek në Twitter.
Σε τηλεφωνική επικοινωνία με τον Πρωθυπουργό της Αλβανίας, @ediramaal, συζητήσαμε για τις πρόσφατες περιφερειακές εξελίξεις – I spoke by phone to #Albania PM @ediramaal. Recent regional developments in focus. pic.twitter.com/NQKIsNApvf
— Nikos Dendias (@NikosDendias) January 5, 2021
Shqipëria dhe Greqia rinisën sërish negociatat për demilitimin e kufirit detar. Gjatë një vizite në Tiranë disa muaj më parë, Dendias zhvilloi një takim dhe më pas një konferencë për shtyp, ku njoftuan se këtë çështje do e dërgojnë në gjykatën ndërkombëtare.
Ndërkohë, pak ditë më parë Greqia miratoi dekretin për zgjerimin e ujërave territoriale me 12 milje në detin Jon.
