Një person është arratisur nga Komisariati numër 1 në Tiranë. Bëhet fjalë për shtetasin Rigers Lala, i cili ishte i arrestuar për “armëmbajtje pa leje”.
30-vjeçari është prangosur dy ditë më parë nga forcat Shigjeta në lagjen “Ali Demi”, pasi lëvizte me armë zjarri me vete. Kur ka parë policinë, ai ka hedhur armën dhe ka tentuar të largohet por është arrestuar.
“Si rezultat i reagimit të menjëhershëm, shërbimet e Komisariatit të Policisë Nr.1, në bashkëpunim me Forcën e Posaçme “Shigjetat”, bënë të mundur që në lagjen “Ali Demi” të lokalizonin personin e dyshuar, i cili sapo ka parë shërbimet e policisë ka hedhur armën e zjarrit në tokë dhe ka tentuar të largohet me vrap. Por gjatë ndjekjes është kapur dhe prangosur nga shërbimet e policisë”, njoftonte policia dy ditë më parë.
