Komisioni Qendror i Zgjedhjeve pranoi propozimin e opozitës jashtëparlamentare, për të ndaluar qeverinë të japë kontrata koncesionare dhe PPP 4 muaj para zgjedhjeve.
Propozimi u dha fillimisht në KQZ nga anëtari i Komisionit Rregullator Muharrem Cakaj, përfaqësues i LSI. Kjo kërkesë e tij mori dhe dakordësinë e nga përfaqësuesi i PS, Eridian Salianji.
“Katër muaj para datës së zgjedhjeve deri në ditën e zgjedhjeve ndalohet dhënia e kontratave publike te koncesionit/PPP, për të cilat nuk është bërë njoftim publik se do të zhvillohen, nuk janë vijim i një procedure koncesionare të nisur, apo nuk janë parashikuar për t’u financuar nëpërmjet buxhetit të miratuar të vitit zgjedhor.”, thuhet në njoftim.
Para disa ditësh, Partia Demokratike ka depozitoi një draft në Komisionin Rregullator në KQZ ku zgjeroi gamën e aktiviteteve që i duhen ndaluar qeverisë 4 muaj para zgjedhjeve.
