Një lajm i hidhur për muzikën shqiptare, ndarja nga jeta parakohe e Andrea Canajt, kornist i njohur i Teatrit të Operas dhe Baletit.
Pedagogu i Universitetit të Arteve, Andrea Canaj, është ndarë nga jeta në moshën 59-vjeçare.
Pas një beteje të gjatë me koronavirusin, Andrea Canaj nuk ia ka dalë dot mbanë.
Canaj e nisi karrierën e tij artistike në vitin 1988 si kornist pranë Orkestrës së Teatrit të Operas dhe Baletit, dhe nga viti 1990 deri në vitin 2000 ka qenë kornist i parë i Orkestrës.
Më pas, ka punuar si kornist i parë dhe në Orkestrën Simfonike RTSH, dhe njëkohësisht ka qenë pedagog pranë Universitetit të Arteve.
