Ministri i Shëndetësisë, Armend Zemaj, ka publikuar vendimin për pezullimin e udhëtimeve me Britaninë e Madhe, për mbrojtjen nga koronavirusi.
Në njoftimin për media të MSH-së, thuhet se të gjithë qytetarët që vijnë nga Britania e Madhe në pikat tokësore duhet të vetë-izolohen për 14 ditë në banesat e tyre.
Vendimi udhëzon Ministrinë e Infrastrukturës dhe Ministrinë e Punëve të Brendshme të marrin vendimet dhe veprimet e nevojshme në përputhje me fushat e përgjegjësitë administrative të tyre me qëllim të zbatimit të këtij vendimi.
