Ekspertët britanik kanë deklaruar se fëmijët janë më të rrezikuar nga mutacioni i ri i Covid. Lajmin e kanë bërë të ditur mediat e huaja, të cilat kanë thënë se fëmijët janë më të ndjeshem nga mutacioni se sa nga virusi i mëparshëm.
Profesor Neil Ferguson deklaroi se mutacioni i Covid i quajtur B.1.1.7, mund të cilësohet si varianti më i fortë në infektimin e fëmijëve.
Të tjerë studues kanë thënë se mutacioni me efikasitet ngjitje deri në 70% më shumë mund të lërë pas ndonjë sëmundje të rëndë tek personat që e kanë marrë atë.
Pak ditë më parë, në Britani u shfaq një mutacion i ri i Covid-19. Për pasojë, vendi është izoluar, ndërkohë që shtetet e Evropës dhe të botës kanë anulluar të gjitha fluturimet me Britaninë e Madhe.
Nga studimet paraprake, tregohet se vaksina anti-Covid ka të njëjtin rezultat edhe me mutacionin e virusit.
