Autoritetet në Itali po shqyrtojnë mundësinë për shtrëngimin e masave, pasi situata u ka dalë jashtë kontrollit. Italia po konsideron vendosjen e kufizimeve më të rrepta gjatë festave të Krishtlindjes dhe Vitit të Ri.
Pas lehtësimit të disa prej masave, të dielën turma të njerëzve u dyndën në dyqane dhe qendra tregtare. Duke parë kurbën në rritje të të infektuarve, autoritetet janë të shqetësuar se në muajin janar mund të ketë rritje të rasteve.
Më 13 dhjetor, Italia raportoi 484 vdekje si pasojë e virusit. Të shtunën, ky vend tejkaloi Britaninë e Madhe, si vendi evropian me numrin më të lartë të vdekjeve.
Qeveria mund të vendosë masat nën të ashtëquajturat rregulla bllokimi “të zonës së kuqe” nga 24 dhjetori deri të paktën 2 janar, duke zgjatur orën policore gjatë natës.
Më tej duke ndaluar lëvizjen jo-thelbësore dhe mbylljen e dyqaneve, bareve dhe restoranteve gjatë fundjavave dhe pushimeve, me përjashtim të atyre që shesin mallra thelbësore, raportuan mediat italiane.
