Presidenti i Malit të Zi, Millo Gjukanoviç beson se Serbia është kthyer në politikën e saj të viteve ’90.
Sipas tij, Serbia po rrezikon sovranitetin e vendeve fqinje me idenë e saj për një “Serbi të re të Madhe”.
“Duke pretenduar mbrojtjen e të drejtave të serbëve të rrezikuar në rajon, Serbia në të vërtetë po e rrezikon sovranitetin e vendeve fqinje dhe duke shpallur në mënyrë të qartë, por në dukje duke kamufluar idenë e saj për një Serbi të Madhe të re”, tha Gjukanoviç për agjencinë e lajmeve “Beta”.
Presidenti malazez ka folur edhe për marrëdhëniet e tij me presidentin e Serbisë, Aleksandar Vuçiç. Gjukanoviç tha se ai nuk ka asnjë komunikim me Vuçiçin, e as ndonjë marrëdhënie biznesi.
